Google ADS

Kosova nuk ka strategji për të ndaluar ikjen e punëtorëve shëndetësor nga vendi

10:51 | 8 Korrik 2018
Arbresh.info

Sistemi shëndetësor në vend vazhdon të ketë probleme të mëdha për shkak të mungesës së madhe të stafit profesional, të cilët kanë mësyr Bashkimit Evropian.

Në një intervistë për Radio Evropa e Lirë Haxhi Avdyli, neurokirurg dhe deputet në Kuvendin e Kosovës ka thënë se kjo vazhdon të jetë një shqetësim, dhe ai thotë se nuk ka një straetgji për parandalimin e kësaj dukurie.

“Kosova në këto vite nuk ka pasur strategji për resurse humane. Këtu ka mjekë të papunë dhe specializimet nuk janë të koordinuara mirë. Një numër i madh është i punësuar në QKUK, e një numër i madh i mjekëve mungon në spitale rajonale. E gjithë kjo falë planifikimit jo të mirë. Si pasojë e kësaj, kemi mungesë të mjekëve dhe infermierëve dhe shumë nga ta për shkak të kushteve, po ikin jashtë Kosovës’’, u shpreh Avdyli.

Gjermania mbetet vendi që kërkon më së shumti punëtorë shëndetësorë nga vendi ynë sipas Avdylit, kjo për shkak se kushtet dhe pagat atje janë shumë më të mira.

 

Shpërndaje në rrjete sociale

Lajmet më të lexuara

Të ngjashme

Foto lajm